竹蔗茅根甘筍馬蹄水

天時暑熱，

係時候要煲涼茶潤一潤啦!

今日就煲咗一大鍋竹蔗茅根甘筍馬蹄水，

有消暑清熱、利尿、生津、潤肺等功效，

熱飲凍飲都得，

大小魔怪和我就最鐘意雪凍嚟飲架喇!

材料: 竹蔗2條(約1.5斤)、茅根2小扎、甘筍2條、馬蹄12粒

做法: 竹蔗切片；甘筍去皮切片；馬蹄去皮；

將全部材料放入鍋內加16碗水煮滾後，轉小火慢慢煲1.5小時，

按個人喜好加糖冬瓜或冰糖調味便成。

~今次我咩糖都冇落，因為煲完試味後，我覺得已經夠甜味喇!

~買竹蔗時，叫檔主幫忙切片或破開幾片，咁蔗嘅甜味就更容易煲出嚟啦!

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page