2019年2月14日 星期四

南乳蓮藕芹菜芽菇炆腩肉


客家人過年一定會有碟炆芽菇,

但今年過年時冇炆芽菇俾老公食,

今日見街市仲有芽菇賣,

即刻買D返嚟煮碟客家餸啦!



















材料: 五花腩肉$30、芽菇9個、蓮藕1節、芹菜3棵、大蒜2棵、紹酒、薑3片

調味: 南乳半磚(大)、冰糖1粒、鹽少許

做法: 凍鍋落水加五花腩肉和紹酒出水10分鐘後切件;

蓮藕去皮切件;芽菇去皮洗淨切半;芹菜和大蒜洗淨切段;

燒熱油鑊爆香薑片和腩肉,略煎至少少焦黃後贊少許紹酒,

落南乳醬炒勻後,加蓮藕、芽菇、粒冰糖和2碗半先炆45分鐘,

再加埋芹菜和大蒜炆多5~8分鐘後,試味後按個人口味落鹽調味,

最後落生粉水埋芡汁便成。


 

  
  
大家可以入嚟Facebook讚下我新開嘅Fans專頁呀!


2 則留言 :

  1. 鄉里,我阿E都有炆慈菇,都係有慈菇椗個隻,佢自己種架。

    回覆刪除
    回覆
    1. 客家人好鐘意有呢個慈菇椗架!慈菇椗=男丁呀!

      刪除

如果大家覺得我煮嘅餸菜啱哂口味嘅話,不妨留個言,鼓勵下我啦!