2014年1月31日 星期五

大年初一

 
大年初一又係朱家食全日素嘅日子!
 
今朝食過早飯後,
 
又要出動去拜年啦!
 

2014年1月30日 星期四

2014年朱家團年飯!

 
今日係年卅十晚,

雀后祝大家:

心想事成!

身體健康! 

萬事如意! 

步步高升! 

笑口常開!

 財源滾滾! 

新年快樂!
 
 

2014年1月29日 星期三

2014足料自家製蘿蔔糕

 
一年一度自家製蘿蔔糕又出爐啦!
 
呢個係亞媽教落嘅配方,
 
五斤蘿蔔1斤粘米粉,
 
以前母親大人年年都整架,
 
自從我嫁人之後,
 
依家輪到我年年整俾佢食囉!
 
 
 
 

2014年1月28日 星期二

過年必食~南乳八寶齋

 
呢個南乳八寶齋,
 
係新年時節必食嘅餸菜,
 
簡單又好味道,
 
雖然炆咗一大鑊,
 
不過一餐都食得哂呀!
 
 

2014年1月27日 星期一

滑滑蒸水蛋!

尋日一次過蒸兩樣嘢,
一樣係蒸茄子,
另一樣就係佢登登登登~滑滑蒸水蛋啦!
又一個簡單好味嘅餸!


2014年1月26日 星期日

清蒸茄子!

 
哈哈,
 
知唔知咩叫凌亂美吖???
 
睇我碟清蒸茄子就知啦!
 
睇個樣真係亂七八糟架,
 
不過咁,
 
簡單好食咪得囉!
 
(自欺欺人)
 
茄子隔離係咩???
 
估下啦!
 
 

2014年1月25日 星期六

醬燒骨

 
下星期中要整蘿蔔糕,
 
所以係時候要清雪櫃醬料啦!
 
唔摷都唔知雪櫃有十幾樽醬,
 
有排清囉!
 
 
 

2014年1月24日 星期五

豉汁鳳爪排骨

 
唔知係咪就嚟過年呢???

成個元朗都迫滿人,

個個都攞個大喼出嚟,

成車成車咁掃年貨,

行街大家都要小心自己對腳,

唔係俾D喼轆腳趾就唔好啦!

 

2014年1月23日 星期四

三文魚頭湯

 
天氣凍冰冰兼好鬼乾燥,
 
有碗熱湯飲就最好不過啦!
 
好簡單滾一個三文魚頭湯,
 
有湯有餸都唔錯吖!
 
一次過放咗5個大蕃茄落去,
 
呢啖湯好甜呀!
 

2014年1月22日 星期三

薑蔥咖哩炒蟹腳

 
1盒有3大隻鱈場蟹腳,
 
真係超抵食呀!
 
今次本來想食薑蔥蟹腳,
 
點知小魔怪話想食咖哩,
 
咁即刻變陣先得!
 
 

2014年1月21日 星期二

洋蔥韭菜炒蛋

大魔怪嘅悠長聖誕假終於完咗啦!
今日開始返學,
我又可以乘機休息一下,
煮得簡單囉!
嗱,
唔好話我打斧頭勁,
我只係用盡屋企物資啫!
嘻嘻!

2014年1月20日 星期一

香煎黑倉魚

 
好耐冇買黑倉魚啦!
 
又唔貴喎,
 
一條都係$35,
 
簡簡單單香煎嚟食,
 
嗱,
 
唔好用我爭食脆卜卜嘅魚翅呀!
 

2014年1月19日 星期日

豉油皇炒麵&潮州粥

 
計劃3月初去旅行,
 
所以呢排要開始keep fit,
 
唔只身型要keep,
 
荷包都要keep啊!
 
呢餐平到冇朋友,
 
廿皮都唔使呀!
 
 

2014年1月18日 星期六

西餅、蛋糕製作精選實習班(六)~第二堂

 
呢堂學整鳳梨酥和煙肉薯蓉批;
 
本來唔係整呢兩樣嘢架,
 
不過大家都想係過年前學整鳳梨酥,
 
所以亞sir俾我哋調堂呀!
 

2014年1月17日 星期五

青紅蘿蔔花膠螺頭煲豬展


今日靚湯~青紅蘿蔔花膠螺頭煲豬展!
 
花膠螺頭係上次流浮山買嘅,
 
D花膠出水後發得都好大隻,
 
老細都話平時佢哋都係食開呢隻花膠,
 
仲大讚重膠質添!

如果係就要食多D啦!

 

2014年1月16日 星期四

芝士奶油蟹腳伊麵

 
上次用咗中式方法煮豉椒炒鱈場蟹腳
 
今次就用西式煮法,
 
芝士奶油蟹腳伊麵,
 
呵呵呵,飛佛呀!
 

2014年1月15日 星期三

瑤柱咸豬展粥&家鄉炒米粉

 
抵冷貪瀟湘,
 
咁大個仔都唔識照顧自己,
 
咁凍天氣點可以著兩件薄衫架,
 
攪到頭痛兼勁排毒,
 
辛苦咪又係佢自己囉!
 
 

2014年1月14日 星期二

豉油雞翼

舊印尼工人姐姐今日滿約到期,
所以呢排新印尼姐姐好努力咁跟尾學做嘢,
不過新姐姐就唔係咁識講廣東話,
好在佢都識講少少英文,
尚算溝通到咁啦!
第一個教佢整嘅餸係豉油雞翼!


2014年1月13日 星期一

西餅、蛋糕製作精選實習班(六)~第一堂

 
今期係第一堂,
 
學整虎皮蛋卷,
 
第一堂通常會整D易嘅蛋糕,
 
冇咩難度呀!
 
亞sir話雪一日個蛋卷會好食D,
 
不過一返到屋企就俾人食哂,
 
一件都冇剩呀!
 
 

2014年1月12日 星期日

菠菜粉絲雞蛋煎素餃

 
大魔怪好鐘意食餃子,
 
自從佢轉食素之後,
 
連包餃子嘅材料都改用素菜,
 
任何配搭都得,
 
真係易過包肉餃子呀!
 

2014年1月11日 星期六

2014年1月10日 星期五

紫菜蕃茄蛋花湯

 
今日煮咗個簡單嘅素湯,
 
紫菜蕃茄蛋花湯,
 
有益又有營養,
 
飲多幾碗都唔肥呀!
 



2014年1月9日 星期四

豉椒炒蟹腳

 
大家食過日本急凍蟹腳,
 
通常會解凍後即食,
 
食其鮮味啊!
 
但今次我用咗中式煮法,
 
另有一番風味!
 
唔係講笑,
 
真係啖啖蟹肉,
 
連我家奶奶都大讚好惹味呀!
 
 
 

2014年1月8日 星期三

母親大人病倒了


今日早上,

接到妹妹的whatsapp,

話母親大人病倒了,

因咳得好嚴重,

頭暈兼手軟腳軟(冇咩食落過肚),

說話有點語無倫次,

擔心之下,

立即坐車去沙田;

母親大人話想食魚蛋粉,

即刻買一碗魚蛋粉和買埋瘦肉煲粥俾佢食;

見到母親大人和與妹妹通電話後,

決定與她再去醫院睇醫生(昨天已看過一次醫生);

去到醫院經初步驗查下原來正在發燒39.9度,

見醫生時更出現嘔吐情況,

醫生建議入院檢查;

經醫生診治、打針、吊鹽水和食藥後,

晚上燒已退了,

但佢要留院觀察和進一步檢查身體,

希望她能早日康復!

2014年1月7日 星期二

求其食!


今日開始,
 
我要去返學啦!
 
學咩???
 
咪又係學整蛋糕囉!
 
所以係未返學之前,
 
求求其其煮D嘢嚟食呀!
 
 

2014年1月6日 星期一

粉絲雜菜煲(素)

 
今晚食素菜大雜會,
 
買埋一大堆素菜材料諗住整俾大魔怪食,
 
執埋執埋又可以煮個餸啦喂!
 

2014年1月5日 星期日

送飯至愛~洋蔥豬扒

 
平時煮餸,
 
我鐘意煮得簡單;
 
尤其愛煮由細食到大,
 
百吃不厭嘅餸菜,
 
咁就最啱我啦!
 
 
 

2014年1月4日 星期六

洗錢日

 
今朝一早同老公落元朗,
 
去銀行、買生果、買麵包,
 
飲埋茶後返屋企都要3個幾鐘頭啦!
 
俾老公休息一陣,
 
又揸車落流浮山買嘢啦!
 
用15分鐘買到D平靚正海味,
 
咁多嘢加埋都係$1247,
 
超抵啦!
 
 

2014年1月3日 星期五

西洋菜紅蘿蔔咸鴨腎排骨湯


朱家例湯又出場啦!
 
呢個湯真係百吃不厭架,
 
人哋話唔好飲隔夜菜湯,
 
因為菜放得耐會致癌喎!
 
但我次次都煲一大煲,
 
實飲唔哂喎,
 
點算好呢???
 



2014年1月2日 星期四

素蓮藕豆腐餅

 
新年第一個餸菜~素蓮藕豆腐餅!

因大魔怪放假係屋企,

所以呢排要煮素菜呀!
 
 

2014年1月1日 星期三

1314!

 
昨晚,
 
同家人一齊度過1314!
 
BBQ&麻雀耍樂!
 
由2013打到2014,
 
盡興啦!
 
不過我冇份打囉!