過年必食~南乳八寶齋

 

呢個南乳八寶齋，

 

係新年時節必食嘅餸菜，

 

簡單又好味道，

 

雖然炆咗一大鑊，

 

不過一餐都食得哂呀!

 

 

 

材料: 長紹菜、冬菇、雲耳、豆腐卜、甘筍、炸支竹、

 

荷蘭豆、粉絲、南乳一磚(大)、紹酒1茶匙、鹽少許、薑片

 

調味:  素蠔油2湯匙、豉油1湯匙、老抽1湯匙、糖1茶匙、3碗水

 

做法: 紹菜切件洗淨；冬菇、雲耳浸軟去蒂；甘筍去皮切片；

 

炸支竹浸軟；荷蘭豆去頭尾根；粉絲浸軟；

 

燒熱水，順序將荷蘭豆、雲耳、豆腐卜和炸支竹出水備用；

 

南乳用1茶匙紹酒搓爛；燒熱油鑊爆香薑片和南乳醬，

 

加入紹菜、冬菇、雲耳、豆腐卜、甘筍炒勻，

 

落調味煮至紹菜腍，加入荷蘭豆、炸支竹煮多一陣，

 

最後加粉絲和鹽調味便成。

 

 

     

 

 

 

 大家可以入嚟Facebook讚下我新開嘅Fans專頁呀!

 

 

 雀后(添飯)Facebook Fan Page