2014年1月28日 星期二

過年必食~南乳八寶齋

 
呢個南乳八寶齋,
 
係新年時節必食嘅餸菜,
 
簡單又好味道,
 
雖然炆咗一大鑊,
 
不過一餐都食得哂呀!
 
 

 




材料: 長紹菜、冬菇、雲耳、豆腐卜、甘筍、炸支竹、
 
荷蘭豆、粉絲、南乳一磚(大)、紹酒1茶匙、鹽少許、薑片
 
調味:  素蠔油2湯匙、豉油1湯匙、老抽1湯匙、糖1茶匙、3碗水
 
做法: 紹菜切件洗淨;冬菇、雲耳浸軟去蒂;甘筍去皮切片;
 
炸支竹浸軟;荷蘭豆去頭尾根;粉絲浸軟;
 
燒熱水,順序將荷蘭豆、雲耳、豆腐卜和炸支竹出水備用;
 
南乳用1茶匙紹酒搓爛;燒熱油鑊爆香薑片和南乳醬,
 
加入紹菜、冬菇、雲耳、豆腐卜、甘筍炒勻,
 
落調味煮至紹菜腍,加入荷蘭豆、炸支竹煮多一陣,
 
最後加粉絲和鹽調味便成。
 
 

     
 
 
 
 大家可以入嚟Facebook讚下我新開嘅Fans專頁呀!
 
 

 

22 則留言 :

  1. 咁早炆定齋,食哂都未過年吖

    回覆刪除
  2. 看見都想食啊! 新年都整吓先

    回覆刪除
  3. 我已經幾年冇煮過呢味, 樣樣材料淨少少都幾煩呢, 尤其我呢啲好日唔煮一次飯

    回覆刪除
  4. 我 Ho-ma 每年年初一都會煮南乳齋!

    回覆刪除
    回覆
    1. 呢個齋真係過年時必食嘅餸菜之一呀!

      刪除
  5. 自己煮可以清清地, 出面食好多獻..

    回覆刪除
  6. 真係好豐富喎,煮埋我果份,等我初一唔做煮 .....hehehe~

    回覆刪除

如果大家覺得我煮嘅餸菜啱哂口味嘅話,不妨留個言,鼓勵下我啦!