2014年12月16日 星期二

白汁芝士焗西蘭花

 
大魔怪好鐘意食白汁芝士焗西蘭花,
 
佢可以成碟食哂都得,
 
而我就鐘意食蘑菇和粟米芯啦!
 
各有所好呀!











材料: 西蘭花2個、蘑菇1罐、粟米芯1罐


芝士糊: 麵粉1.5湯匙、牛油1湯匙、鮮奶600ml、芝士3片、

鹽和糖各少許(自行調較)

做法: 西蘭花去莖用鹽水浸一陣,燒熱水加入少許鹽,

灼熟西蘭花、蘑菇和粟米芯;用易潔鑊炒香牛油加麵粉炒約1-2分鐘,

逐少加入叮熱嘅鮮奶慢慢攪勻至冇粉粒(想白汁幼滑少少可用篩隔一隔),

加入芝士片煮溶,加少許鹽和糖調味,把芝士糊淋在西蘭花面,

放入已預熱焗爐200度焗15分鐘至芝士燶燶哋便成。

(覺得芝士糊太杰,可加奶煮至啱自己嘅濃度)



 
  
大家可以入嚟Facebook讚下我新開嘅Fans專頁呀!
 
 
 
 

 

12 則留言 :

如果大家覺得我煮嘅餸菜啱哂口味嘅話,不妨留個言,鼓勵下我啦!