2014年12月11日 星期四

香檸煎雞扒

 
老公好鐘意自己沖檸茶飲,
 
所以屋企緊有一兩個檸檬係雪櫃;
 
但依家D檸檬真係唔平,
 
最貴試過5蚊先得1個,
 
真係要好好利用佢先得囉!
 
 






 


材料: 雞扒2塊、檸檬一個、老抽半茶匙、檸檬2片(裝飾用)、粟粉適量
 
醃料: 鹽2茶匙、紹酒半湯匙、胡椒粉適量、薑汁少許
 
蘸汁: 檸檬汁(1個檸檬)、糖1.5湯匙、2湯匙水、粟粉水少許
 
做法: 雞扒解凍後用刀將雞肉界成方格(易熟),用醃料醃1小時;
 
凍鑊落少許油燒熱,用半茶匙老抽搽係雞皮上上色,
 
撲少許粟粉係雞扒上,有雞皮一面先落鑊煎,煎好一面先反另一面,
 
煎至兩面金黃色便可上碟;用小鍋將檸檬汁煮滾後淋在雞扒面便成。
 
 
~想知雞扒熟未,用筷子插入雞肉,插得入和冇標血水即表示雞肉熟啦!
 
~如有吉士粉,可加1茶匙混入檸檬汁,咁整出嚟色水較鮮黃,
 
好似街外賣相架!
 
~呢個雞扒,煎、焗、炸都得架!

~刨少少檸檬皮煮個汁仲正!

~酸甜度可自行加或減糖調節!

~呢個雞扒配檸檬汁、橙汁或柚子汁,任君選擇呀!
 
     

 

 

  

大家可以入嚟Facebook讚下我新開嘅Fans專頁呀!
 

 

 

6 則留言 :

  1. ❤*¨♡•*☀早晨+黃昏好⊹☁*゚¤*゚
    笑嘻嘻。゚✿*⊹❀。又到快樂星期四♫*♬°•♩。♪

    回覆刪除
  2. 我鍾意沖檸檬水,咁啱架。使唔使我帶幾個檸檬比你呀

    回覆刪除

如果大家覺得我煮嘅餸菜啱哂口味嘅話,不妨留個言,鼓勵下我啦!