2014年12月25日 星期四

柱候蘿蔔支竹炆排骨


聖誕日,

我又要開始清雪櫃嘅物資喇!

今日用咗我至愛嘅柱候醬,

炆咗呢個柱候蘿蔔支竹炆排骨,

有汁撈飯,

真係要煲多幾杯米先得囉!
 



 
 
 
 
 
 


 
材料: 一字排骨$40、白蘿蔔1個、甘筍1條、支竹適量(無炸)、
 
紹酒、薑片、乾蔥和粟粉水少許
 
醃料: 豉油1湯匙、老抽半湯匙、糖1茶匙、粟粉1茶匙、麻油少許
 
調味: 柱候醬1.5湯匙、磨豉醬1湯匙、冰糖3粒(小)、和水1碗半
 
做法: 排骨洗淨後用醃料醃2小時;支竹浸軟備用;蘿蔔和甘筍去皮切件;
 
凍油落Le-creuset 22cm湯煲內,爆香薑片和乾蔥蓉,
 
加柱候醬和磨豉醬炒香,加排骨快炒後贊酒,
 
落1碗半水和冰糖炆30分鐘左右,加白蘿蔔和甘筍炆15分鐘,
 
最後加支竹炆多10分鐘,落少許粟粉水埋茨汁便成。
 
如用其他煲嚟炆,排骨起碼炆45分鐘或1小時以上,仲要加多2-3碗水去炆。
 
 
 
大家可以入嚟Facebook讚下我新開嘅Fans專頁呀! 
 

10 則留言 :

如果大家覺得我煮嘅餸菜啱哂口味嘅話,不妨留個言,鼓勵下我啦!