2014年1月15日 星期三

瑤柱咸豬展粥&家鄉炒米粉

 
抵冷貪瀟湘,
 
咁大個仔都唔識照顧自己,
 
咁凍天氣點可以著兩件薄衫架,
 
攪到頭痛兼勁排毒,
 
辛苦咪又係佢自己囉!
 
 


 
 


瑤柱咸豬展粥

材料:  豬展$35、瑤柱4粒、米1杯、薑3片
 
做法: 豬展切片出水後用鹽醃1小時;瑤柱用水浸1小時拆絲;
 
洗米後用少許鹽和油撈勻;用LC24cm鍋,
 
煲熱水加入豬展、薑片和米煲一個半鐘,(先用中火煲滾後,再轉小火)
 
咁D粥就會好綿架啦!
 
 
家鄉炒米粉:

材料: 天鵝牌米粉3片、椰菜半個、甘筍1條、火腿4塊、蛋2隻、鹽適量

調味: 2茶匙雞粉、半碗熱水

做法: 米粉用熱水浸軟;椰菜和甘筍切絲;火腿切絲;
 
蛋打發好煎成蛋皮切絲;預先炒香火腿備用;
 
燒熱油鑊炒椰菜和甘筍絲,加入調味煮至菜腍後,

加入米粉炒至米粉乾身加適量鹽調味,

最後加入火腿和蛋絲炒勻上碟。
 
 
大家想報名嘅話,請click~報名

 
     
 
 
 
大家可以入嚟Facebook讚下我新開嘅Fans專頁呀!
 
 

 
 

38 則留言 :

  1. 男仔通常都扮壯喎...XXXD . 世上只有媽媽巧~~~~

    回覆刪除
  2. 小朋友係咁架,粥粉清清地唔錯。

    回覆刪除
  3. 後生仔要形要靚架嘛, 唔喺回溝女? 睇開D啦!

    回覆刪除
    回覆
    1. 厚少少嘅褸都話唔好睇,咁咪凍親囉!

      刪除
  4. 香港係咪好多人病呀?我個仔喺香港本來今日返嚟,話俾我聽發冷發熱頭痛肚痛,飛機都上唔到呀!啲細路真係唔識照顧自已嘅。

    回覆刪除
  5. 回覆
    1. 呢排天氣唔好,大家都要小心身體呀!

      刪除
  6. 呢期凍咗~你同囝囝們都要好好take care 呢~!

    回覆刪除
  7. 細路仔尤其係男仔都係咁架啦, 唔鐘意着到厚厚.

    回覆刪除
  8. 男仔多數又要身型靚,又怕著多件衫麻煩。

    回覆刪除
    回覆
    1. 咪就係囉,咁大個仔都唔識照顧自己!

      刪除
  9. 我既至愛,但好耐無食过啦!

    回覆刪除
  10. 都話有媽媽照顧係最幸福架la

    回覆刪除
  11. 我個仔煮件短袖衫周屋走,我睇見都覺得凍呀~~

    回覆刪除
  12. 年輕人係愛靚唔愛命架啦!

    回覆刪除
  13. 祝仔仔快D好番, 再唔著夠衫就打pat pat!

    回覆刪除
  14. 細路仔通常都係唔多著厚衫 , 怕同學仔笑 , 有媽咪愛心粥食好快就冇事喇 .

    回覆刪除
  15. 安安 雀后~~個個都系咁架D後生仔,我個仔米又系咁,卒之米睇醫生囉...唉 =..='

    回覆刪除

如果大家覺得我煮嘅餸菜啱哂口味嘅話,不妨留個言,鼓勵下我啦!