2014年1月12日 星期日

菠菜粉絲雞蛋煎素餃

 
大魔怪好鐘意食餃子,
 
自從佢轉食素之後,
 
連包餃子嘅材料都改用素菜,
 
任何配搭都得,
 
真係易過包肉餃子呀!
 












 
 
材料: 菠菜1斤、雞蛋3隻、粉絲適量、薑蓉1湯匙
 
調味: 鹽1.5茶匙、糖1茶匙、麻油少許
 
麵粉水: 大半湯匙麵粉加1碗水攪勻
 
做法: 菠菜去頭洗淨,燒熱水烚菠菜1分鐘,浸入凍水(降溫),
 
瀝乾水份後把菠菜切碎;粉絲浸軟後用烚菜水灼一灼後切碎;
 
雞蛋加少許鹽和胡椒粉發勻,
 
燒熱易潔鑊落油把蛋快炒後切碎;將菠菜、雞蛋、粉絲和調味拌勻,
 
 
包成餃子型後,用易潔鑊落油加熱(中火),放入餃子煎1分鐘左右 ,

倒入麵粉水入易潔鑊內(滾後轉小火)加蓋焗3-4分鐘差不多待水蒸發後,
 
轉中大火燒至有少少燶底,將碟蓋在餃子面,反轉易潔鑊倒扣入碟便成。
 
(火力各有不同,請自行調節)
 
 
 

 

 
大家想報名嘅話,請click~報名

 

   
 
 
 
大家可以入嚟Facebook讚下我新開嘅Fans專頁呀!
 

 

30 則留言 :

  1. 素菜餃好呀, 煎得好靚, 不過我無用易潔鑊, 每次煎餃子做甩底, 所以只放湯吃.

    回覆刪除
  2. 餃子底脆卜卜,好正呀~~

    回覆刪除
  3. 後生仔點解會轉咗素食既?

    回覆刪除
    回覆
    1. 唔想再殺害動物,保護環境,萬物生存都有價值!

      刪除
  4. 要煮要切都幾花時間同心機呀, 你呢個媽媽真係好!

    回覆刪除
  5. 脆卜卜我最鍾意吃尼種餃子

    回覆刪除
  6. 我都同意,D 餃子煎得好靚!

    回覆刪除
  7. 煎得好靚 , 脆脆的好正 .

    回覆刪除
    回覆
    1. 煎到脆卜卜,我家人都好鐘意架!

      刪除
  8. 好主意,等我试吓整。我仔仔不吃青菜,但是包在饺子里的东西可以尝试。

    菠菜和蛋都煮熟,再包,对吗?

    回覆刪除
  9. 餃子煎得好靚,
    菠菜、粉絲 + 雞蛋好特別o既配搭!

    回覆刪除
    回覆
    1. 住何配搭都得架,不過最緊要餡料唔好出水就得啦!

      刪除

如果大家覺得我煮嘅餸菜啱哂口味嘅話,不妨留個言,鼓勵下我啦!