瑞士汁椰菜叉燒炒烏冬!

唉，

今朝一起身就喉嚨痛狂流鼻水兼開唔到聲，

就知道我已經中咗招啦!

今日不宜返工宜休息!(發夢中)

下午放工即刻去睇醫生，

今日食咗藥好攰，

簡簡單單炒咗個瑞士汁椰菜叉燒炒烏冬當晚餐；

原本小魔怪要補習唔返嚟食，

點知佢突然話改期唔使返，

好彩我炒咗6個烏冬，

唔係就肯定唔夠食架啦！

材料: 烏冬6包、半斤叉燒、椰菜半個、甘筍1條、蟹柳5條

蒜蓉、老抽1湯匙、紹酒少許、鹽半茶匙醬汁: 瑞士汁3湯匙

做法: 椰菜、甘筍切絲備用；蟹柳拆絲備用；

燒熱水放入烏冬灼至軟身撈起，加入一湯匙老抽攪勻上色；

燒熱鑊落油爆香蒜蓉加椰菜和甘筍絲快炒，

加紹酒、鹽和大半碗水煮至菜腍；

加入蟹柳絲、烏冬和瑞士汁3湯匙炒至汁乾身，

最後加埋叉燒連蜜汁(有嘅話)炒勻便成。

   

 

  

大家可以入嚟Facebook讚下我新開嘅Fans專頁呀!   雀后(添飯)Facebook Fan Page