法式麵包製作精選實習班~第七堂

黑椒洋蔥包、蒜蓉軟包、粟米吉士包，

呢3款包好食到冇朋友，

真係好想再食番個，

回味中!

涼拌茄子

呢幾日熱到呢，

係時間煮番幾個涼拌餸菜食下喇!

今次整咗呢個涼拌茄子，

簡單又好味道，

正架!

出走惠州

噚日，

老公、姑奶和我3人齊齊返惠州，

去到羅湖火車站，

我哋第一時間唔係返惠州，

而係搵酒店，

我哋決定屋企裝修時，

會暫時租住酒店，

雖然遠係遠D，

但勝在夠平嘛!

返到惠州，

見到有平民快餐店，

6個小菜加2個湯再加3碗飯，

都係66蚊人仔，

超抵啦!

大澳半日遊

大澳，

一個好熟悉嘅名字，

但又唔會成日去嘅地方；

老公見小魔怪返咗嚟，

想同佢出外行下；

今朝大清早起身，

坐輕鐵去屯門碼頭，

落車就見到碼頭架啦!

左面去大澳，

右面去澳門，

呢一刻心動想去澳門添!

豐衣足食~蠔豉花生瑤柱豬肉粥

老公買埋買埋好多蠔豉仔係冰箱，

雖然細細隻，

但用嚟煲粥就最啱啦!

摷埋其餘物資花生和瑤柱，

煲咗一大鍋粥；

哈，

得我2個人食，

竟然食得哂，

勁呀!

(分兩餐)

雪菜雞絲炒烏冬

一係唔炒，

一炒就大大鑊呀!

今次一次過炒6個烏冬，

分2餐食，

啱哂我呢個懶人!

仲有2星期屋企就要進行大裝修，

今日一定要開始執屋，

睇見成間屋都係雜物，

仲有千千萬萬樣濕碎嘢，

好頭痛呀!

夏日靚湯水~冬瓜生熟薏米排骨湯

夏日靚湯水~冬瓜生熟薏米排骨湯，

冬瓜有利尿袪濕功效；

而生熟薏米就健脾胃、利小便、袪水腫。

加埋幾片薑一齊煲，

咁就唔怕寒涼啦!

小魔怪仲有一個星期就返英國，

呢排要煲多D湯水俾佢飲先得喇!

蒜香黑椒香草焗燒雞

燒雞，

真係食極都唔厭架!

今次開邊焗，

哈，

好似焗得幾靚喎!

雜菌炒麵

大魔怪話想食脆卜卜麵，

整呢個係唔難，

但好鬼煩囉!

不過見佢食得咁滋味，

我係廚房熱到出嘅所有汗，

係冇白費架!

七一晚餐

噚日係七一假期，

我哋約埋母親大人姐姐妹妹佢哋一齊玩下啦!

有咩玩???

哈哈，

緊係坐係冷氣房度打牌啦!

晚餐姐夫負責煮海鮮餐，

有齊魚、蝦、蟹、鮑魚和嘉美雞，

我就煮咗兜南乳蓮藕炆支竹木耳豆腐卜。