臥床休息

 

呢個聖誕不平凡，

平安夜去做CTCA，

檢查報告顯示有危險，

體檢中心2小時內已出報告俾我，

當晚我即係攞埋報告去天水圍醫院睇急症，

咁啱呢兩日聖誕假期，

心臟科醫生放假，

我需要係醫院靜養休息，

等醫生返工後再作決定。

一入院派咗2支水，

之後早午晚都會有水派，

吊鹽水兼抽無數支血，

24小時要check住心跳，

每隔4小時要量血壓，

早餐和晚餐前要篤手指量血糖，

仲要控制飲食，

真係好嚴格呀!

好彩老公、大仔和新抱仔嚟探我時，

買咗好多好嘢食拎俾我，

真心感謝!

老公第一次煲雪梨湯俾我飲，

唔錯喎!

最後多謝大家嘅關心，

今日見到心臟科醫生，

暫時開咗阿斯匹靈和擴張血管藥俾我，

並安排4月中做心導管檢查，

希望到時一切順利啦!

   

 

  

大家可以入嚟Facebook讚下我新開嘅Fans專頁呀! 雀后(添飯)Facebook Fan Page