唉，
我又入院喇!
噚日中午時份，
我個心口翳住翳住咁，
怕死嘅我即刻去天水圍醫院睇急症，
登記見完護士後，
即刻安排去做心電圖、抽血6支和照x~ray，
等咗一陣就去見醫生；
醫生做過初步心臟超聲波檢查後，
佢話初步唔似心臟有問題，
不過都係建議我入院觀察，
順便等抽血報告，
就係咁，
我住院啦!
入院後我竟然發燒，
雖然唔係高燒，
但都要做流感測試、檢尿、檢痰等，
好彩到今朝燒已退，
9點幾又去咗照x~ray，
今次主要係照頸椎和膊頭，
結果係發現我頸椎有退化跡象，
物理治療師要我做強化運動。
今朝見醫生，
醫生話我所有血報告都很正常，
佢知我有3高，
建議我自費去做CTCA電腦斷層心臟冠狀動脈血管造影，
如果等政府醫院排期，
起碼要等好幾年；
我返到屋企，
已經約咗下星期三去照CTCA，
希望冇事啦!
入院前去醫院小賣部買支飲品，
以為會好貴喇!
點知簡直不敢相信$7支，
真係良心店舖。
醫院晚餐、早餐和午餐，
好健康呀!
祝早日康復。
回覆刪除