屋企食剩咗幾塊叉燒，
今日就用佢嚟炒飯，
呢個揚州炒飯有好多料，
叉燒、蝦仁、雞蛋和菜芯粒，
簡單又好味道呀!
材料: 冷飯適量、急凍蝦仁10隻、叉燒適量、雞蛋3隻、菜芯6條
醃料: 鹽少許、胡椒粉少許、麻油少許
做法: 急凍蝦仁解凍後用廚紙索乾水份後切粒，落醃料醃15分鐘；
雞蛋落少許鹽發勻備用；叉燒切粒；菜芯切粒；
燒熱油鑊落蝦仁，煎至蝦仁轉色或熟後，加入叉燒粒和菜芯爆香後盛起；
原鑊落少許油倒入蛋液快手炒散，落冷飯炒勻後，
盡量將冷飯炒至鬆散後，加鹽和適量豉油調味後，
最後落埋蝦仁、叉燒和菜粒炒勻便成。
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!