豉油雞

今日一早去咗健康院抽血，

兩個星期後去覆診就有報告睇喇!

返到屋企附近街市買咗隻雞整豉油雞，

唔記得咗今朝抽完血，

斬雞時隻右手有D痛添!

材料: 冰鮮雞1隻、薑5片、蔥段

調味: 老抽3湯匙、豉油1湯匙、紹酒1湯匙、片糖1片

做法: 洗淨雞身後瀝乾水份，將薑和蔥塞入雞肚內；

將調味和3碗水放入鍋內煮滾後，加入雞再煮滾豉油汁，

其間需要用大匙不停將豉油汁淋落雞身，當豉油汁翻滾後，加蓋煮10分鐘；

反轉另一面雞身，又不停將豉油汁淋雞身，再翻滾後又加蓋焗10分鐘；

重覆反轉雞身和淋豉油共3次後(即已煮30分鐘)，

熄火唔好開蓋焗多10分鐘，取出豉油雞待涼斬件；

食前將豉油汁煮滾，慢慢將豉油汁淋在雞面，

豉油汁要淋多幾次，等雞熱翻就食得架啦!

大家可以入嚟Facebook讚下我新開嘅Fans專頁呀!

雀后(添飯)Facebook Fan Page