黃薑雞

昨晚整呢碟黃薑雞，

我用咗黃薑粉嚟醃雞，

如果大家可以買新鮮黃薑嚟整都得架!

黃薑，

有抗炎症、抗氧化、預防心臟血管疾病；

降底膽固醇、預防糖尿所引起疾病等等，

想知更多詳情，

click入去睇下~薑黃17種功效及副作用

材料: 雞1隻、洋蔥半個、乾蔥1個(切碎)、蒜蓉、薑1大片(拍碎)、紹酒1湯匙

醃料: 黃薑粉2茶匙、豉油1.5湯匙、鹽半茶匙、糖1茶匙、

生粉1茶匙、麻油少許

做法: 雞件洗淨後瀝乾水份，加入醃料醃半日；洋蔥去皮切絲；

燒熱油鑊落雞件煎至兩面有焦香後，

加入蒜蓉、薑碎、乾蔥蓉和洋蔥快手炒勻，

贊紹酒炒多十數下後，加1碗左右炆煮至雞熟，

按個人口味加鹽和糖調味便成。

~大家加以用新鮮黃薑代替薑碎；

~記得從雪櫃取出雞件後，要待室溫起碼45分鐘先好煮呀!

~仲有係黃薑粉色素好勁，我用個大塑膠碗醃雞，個碗都俾佢哋染哂色呀!

~咪睇碟雞咁黃色，其實黃薑粉係一D都唔辣架!

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page