2015年2月2日 星期一

西洋菜甘筍陳腎馬蹄南北杏蜜棗豬展湯(加陳皮和瑤柱)

 
西洋菜湯係我至愛湯水之一,
 
最鐘意加埋陳腎(咸鴨腎)一齊煲,
 
真係飲好多碗都唔夠喉架!

所以即刻攞番個大湯煲出嚟,

咁應該都夠我飲囉!

呢個湯有清熱潤肺、化痰、下火、潤腸通便等功效!





 



材料: 西洋菜1.5斤、甘筍2條、陳腎3個、豬展$35、馬蹄10粒、

蜜棗4粒、瑤柱5粒、南北杏1湯匙和陳皮半個

做法: 西洋菜用鹽水浸20-30分鐘,洗2次;豬展出水備用;

陳腎、蜜棗和南北杏清洗備用;果皮浸軟去囊;

將12碗凍水和陳皮煲滾,把所有材料放入煲內,

用大火煲滾後轉細火,煲至1.5小時後,撈起陳腎切片,

再放入煲內煲多30分鐘,加鹽調味便成。

溫馨提示:


1. 凍水連陳皮一齊煲滾,唔會有苦味;

2. 水滾後加西洋菜亦同樣唔會有苦味;

3. 我鐘意用豬展肉或瘦肉煲西洋菜湯,避免食菜時咬到碎骨。



  
 
 
大家可以入嚟Facebook讚下我新開嘅Fans專頁呀!


12 則留言 :

如果大家覺得我煮嘅餸菜啱哂口味嘅話,不妨留個言,鼓勵下我啦!