2014年5月14日 星期三

紅燒牛肉麵

 
小魔怪係牛魔王,
 
見佢呢排唔使返學,
 
一於煮餐牛牛俾佢嘆下啦!
 
今日炆整紅燒牛肉,
 
加埋個上海麵,
 
絕配呀!
 









材料: 牛肋條2磅、牛筋1磅、蕃茄2個、甘筍1條、洋蔥1個、八角4粒、

香葉2片、辣椒仔2隻、薑片、蔥段、蒜蓉、乾蔥頭、薑片、紹酒

調味: 豉油5湯匙、老抽1湯匙、辣豆瓣醬1湯匙、茄汁2湯匙、

冰糖粒1.5湯匙、水3碗

做法: 牛肋條解凍;燒熱水加入薑片、蔥段和紹酒1湯匙,

落牛肋條出水15分鐘,倒水洗淨牛肋條切大件備用;

甘筍去皮切件;蕃茄切件;洋蔥切大片;凍油落鍋加熱,

落薑片、蒜蓉、乾蔥片、八角、辣椒仔爆香,

加入洋蔥和牛肋條爆香後贊紹酒1湯匙,

落甘筍、蕃茄、牛筋、調味和香葉,煮至翻滾後,

轉小火炆1小時15分鐘,食時加上蔥絲便成。

(如用其他煲炆嘅話,時間要炆2小時左右,水份一定要落多少少啦!)

(上海麵湯底係1小盒雞湯,再加埋紅燒牛肉汁呀!)


 


 
大家可以入嚟Facebook讚下我新開嘅Fans專頁呀!

 

 



16 則留言 :

如果大家覺得我煮嘅餸菜啱哂口味嘅話,不妨留個言,鼓勵下我啦!