今日約埋朋友仔，
3個女人入沙頭角食私房菜，
我哋坐55K小巴入去担水坑村落車，
跟住就行入村裡面搵芳姨私房菜啦!
由於呢度未入到沙頭角，
所以唔使攞禁區紙，
假期時應該會有遊客去行下，
附近有好多攤檔，
不過今日就冇開啦！
雖然路邊攤檔冇開，
但原來係芳姨屋企都有手信買架!
本來諗住食私房菜份量唔多啦，
咪一人叫一個餸，
加埋一個老火湯囉!
點知一埋位，
先知份量咁多，
3個女人邊食得哂吖，
一人飲咗3碗湯，
都仲有半煲湯剩呀!
梅菜扣肉、客家咸雞、上海燴魚肚、土伏苓煲豬尾骨湯!
睇下我買咗咩手信啦!
五指毛桃、菜脯
薑糖、果皮
勁多花生餡嘅炒米餅
黑鬼油，用嚟炆豬肉嘅
蕎頭、醃蘿蔔
客家咸雞
想入去食私房菜嘅話，
記得預早預約呀!
大家可以入嚟Facebook讚下我新開嘅Fans專頁呀!
下次帶埋我去
回覆刪除好呀，約多D人一齊去!
刪除下次你做領隊，帶埋我去
回覆刪除好呀，約多D人一齊去!
刪除嘩份量真係好多喎 , 三個女人一定食唔哂了 .
回覆刪除D餸菜，我哋各自裝哂返屋企，但D湯就真係飲唔哂啦!
刪除睇到都想去,,,食''
回覆刪除哈哈，去行下食下都唔錯架!
刪除我下次都要去呀！記得預埋我。
回覆刪除約多D人一齊去!
刪除我又去， 要組團呀！ 那些五指毛桃很新鮮，平時見到果D好黑的。
回覆刪除好呀，約多D人一齊去!
刪除Woow!咁好餸, 我都去刷番餐啦! 客家咸雞貴嗎?
回覆刪除唔算貴，$100隻，不過要預早訂呀!
刪除嘩, 一大兜湯真係好啱我, 好想去埋一份呢!
回覆刪除我哋已經好盡力飲湯架啦，但真係飲唔哂呀!
刪除芳姨私房菜貴唔貴呀?
回覆刪除3餸1湯$580，份量多，真材實料，物有所值呀!
刪除黑鬼油? 咩黎架?
回覆刪除係一支好似老抽嘅醬油，用嚟炆豬肉好好食架!
刪除