2014年5月29日 星期四

2014包糭日

 
今日又係一年一度包糭日;
 
今年唔只包客家咸糭,
 
我仲專登包咗5隻素糭俾大魔怪,
 
過節時,
 
人人都有糭食啦!

啱啱烚起第一轉,

大小魔怪每人已經食咗2隻糭,

咁攪法,

可能過節時已經食哂囉!

 
 






 
 
(素糭: 紅豆、綠豆、花生)



材料: 糯米5斤、綠豆3斤、咸蛋22隻、糭葉1斤、草2扎、

蝦米半斤、豬腩肉3磅、乾蔥頭1包


醃料: 豉油2湯匙、五香粉一包、糖2茶匙、紹酒1湯匙

做法: 豬腩肉去皮後切塊狀用醃料醃一陣;將整包乾蔥頭剁碎,


落油爆香乾蔥蓉後,加豬腩肉、蝦米、1茶匙鹽和大半碗水,

略煮豬腩肉至收汁盛起待涼,放入雪櫃雪1晚;
 

糯米和豆洗淨後起碼浸6個鐘,倒去多餘水份,


加3湯匙鹽和2湯匙油撈勻米及豆;

然後烚糭葉和草、咸蛋黃開半;準備好哂所有材料,就可以包糭啦!


今年總共包咗44隻客家糭,5隻素糭。 


(每轉糭要烚起碼2個半鐘)



 

 

大家可以入嚟Facebook讚下我新開嘅Fans專頁呀! 
 
  

18 則留言 :

  1. 回覆
    1. 係,下次包埋栗子應該仲好味道呀!

      刪除
  2. 我年件都想自己試下包 , 但奈何最後都係買現成回來 ^^

    回覆刪除
  3. 素糉是齋綠豆嗎?! 我覺得齋綠豆都好好食!

    回覆刪除
  4. 我都鍾意食素糉, 親戚都會為我包, 有雞心豆,腰豆, 多多綠豆,好味!

    回覆刪除
  5. 我仲有2隻粽, 留番過節食!

    回覆刪除
    回覆
    1. 我派下派下,剩番十零隻過節呀!

      刪除
  6. 咸肉糉自己包多料.素糉,兩樣都正.

    回覆刪除
  7. 我淨係鍾意食咸肉糭,本身今年諗住試吓包,但因屋企突然有事,而擱置了。唯有留待下年

    回覆刪除
  8. 自己制作食得安心又健康 , 齋糭冇豬肉仲好味呀 .

    回覆刪除

如果大家覺得我煮嘅餸菜啱哂口味嘅話,不妨留個言,鼓勵下我啦!