4月22日
今朝係酒店食完自助早餐後，
第一站我哋去咗澳門科學館，
入場費大人$25，小朋友$15，
呢度總共有14個展覽館，
而每個展覽館都有唔同主題，
如食物、運動、氣象、科學、水、航空等等，
真係啱哂大人細路一齊玩，
祈祈BB緊係玩到唔捨得走啦!
最重要係呢度有免費wifi呀!
第二站我哋坐巴士去官也街，
齋行冇買嘢，
初初搵唔到豬扒包，
求求其其搵間餐廳食嘢。
原來呢度都有個路氹博物館，
入場費$5。
呢度仲有免費wifi添!
終於搵到呢間豬扒包啦!
原來就係路氹博物館旁邊，
唔抵得又入去食個包先得，
不過豬扒包好貴$30個，
魷魚和魚蛋$50呀!
玩完食完，
又要同祈祈BB返酒店瞓一陣，
瞓醒就要去二龍喉公園坐纜車，
原本纜車係星期一休息，
但原來如星期一係公眾假期的話，
咁星期二就停開，
祈祈BB冇得搭纜車，
有少少失望呀!
唯有帶佢去兒童樂園玩一陣啦!
跟住緊係指定景點議事亭和大三巴啦!
我哋晚餐食豪D，
去財神爺食雞煲翅，
一鍋雞煲翅都係$238約有6碗湯，
我哋叫咗5餸1雞煲翅，
$576仲送生果，
抵食!
(碟娃娃菜冇影相呀!)
大家可以入嚟Facebook讚下我新開嘅Fans專頁呀!
呢間大利來豬扒包分明係做遊客生意喇！
回覆刪除真係好少本地人會去食呀！
刪除食雞煲翅抵D~
回覆刪除我都係咁話。
刪除祈祈BB玩得最開心。
回覆刪除祈祈B B真係超開心，玩到唔捨得走呀！仲話下次要再嚟過添!
刪除節目好豐富喎, 祈祈呢兩日實玩到好攰.
回覆刪除日日都好好瞓呀！
刪除我都會揀食雞煲翅
回覆刪除食雞煲翅抵好多。
刪除魷魚和魚蛋$50>> 驚人...
回覆刪除真係貴得驚人呀！
刪除今日行程好豐富。 我鍾意你件上衫呀，好靚。
回覆刪除嘻嘻，呢件衫鮮色，影相靚D,仲有係夠哂薄，超啱我咁怕熱嘅人呀！
刪除雞煲翅超抵 , 個豬扒包非常簡單貴得利害喎 .
回覆刪除靚女祈祈BB好可愛呀 !
豬扒包真係好貴，最衰係為食啦，好難忍口唔食呀!
刪除行程好豐富呢
回覆刪除日日都攰到七彩呀!
刪除