2014年2月14日 星期五

中西合壁~中西素食情人節餐

 
今日係中西情人節!
 
我哋咁多年都唔會同人哋逼,
 
都係自己煮呀!
 
今日好特別,
 
煮咗個中西素食情人節餐!
 
攪攪新意思嘛!
 





 
(老公送的小禮物)
 


雜菇炒麵

材料: 全蛋麵2個、冬菇7隻、草菇8粒、芽菜$2、甘筍半個、粟米仔1罐

調味: 蠔油2湯匙、豉油1湯匙、老抽湯匙、鹽1茶匙、糖1茶匙、

2茶匙粟粉水和1碗半水

做法: 草菇用濕毛巾抹去污物切片;冬菇浸軟切片;甘筍切絲;

芽菜去頭尾;燒熱水,加入芽菜和甘筍灼軟;白鑊炒香草菇、冬菇,

贊少許紹酒,加粟米仔、甘筍和調味煮滾後,落埋芽菜炒勻,

加埋粟粉水埋獻汁;燒熱水灼軟全蛋麵後瀝乾水份;

燒熱油鑊加入住蛋麵煎至麵脆反轉煎另一面後,

將雜菇淋在麵上便成。



素蘑菇湯

材料: 啡蘑菇200g、洋蔥1個、牛油1湯匙、700ml水、200ml淡忌廉、

鹽和胡椒粉適量、parsley碎少許

做法: 蘑菇用濕布抹乾淨表面污物後,切碎備用;洋蔥去皮切碎;

燒熱易潔鑊,不用落油白鑊炒至蘑菇軟身,蘑菇會出水,炒至乾身後盛起;

落牛油爆香洋蔥粒,加入蘑菇、水滾10分鐘後,熄火置涼後,


倒入攪拌機內攪拌成泥(留起咗2湯匙蘑菇粒唔好攪碎);

翻滾湯時加入蘑菇粒,
將蘑菇湯放回鍋內煮至翻滾,

最後加淡忌廉、鹽和胡椒粉調味攪勻熄火,食時加少少parsley碎係湯面。







 
 
    
大家可以入嚟Facebook讚下我新開嘅Fans專頁呀!
 





 

14 則留言 :

  1. 好清新的情人節餐呀,在家吃又舒服,又可以解解新年所食的肥滯,正,情人節快樂!

    回覆刪除
  2. 尼餐好正啊!我可以食多D hehehe~ ~

    回覆刪除
  3. 個炒麵好正呀!你咁煮得,晌屋企食好過出街同人迫啦!

    回覆刪除
    回覆
    1. 出街又貴又唔好食,自己煮慳好多呢!

      刪除
  4. 回覆
    1. 呢份禮物係我話要,佢叫我自己買,佢俾錢呀!

      刪除
  5. 我都幾乎忘記情人節呢樣野喇~

    回覆刪除
    回覆
    1. 我成日都話日日都係情人節,唔使專登去慶祝呀!

      刪除

如果大家覺得我煮嘅餸菜啱哂口味嘅話,不妨留個言,鼓勵下我啦!