2012年廣西賀州之旅~第一天!

今次去廣西賀州真係好遠架!

話明係巴士團，

所以第一日差不多成日都係架車裡面，

由朝早10點左右坐到7點，

去得最多嘅就係呢類服務區和油站，

每隔2個鐘左右就可以落車鬆鬆腳和去廁所!

由深圳灣出發，

去到中途肇慶四會市食午飯啦!

呢個餐正正常常，

飯餸係熱嘅，

OK啦!

食完飯，

坐車坐咗5個幾鐘頭，

晚上7點左右終於去到廣西路花溫泉~溫泉賓館!

呢間賓館超唔掂之一~冇熱水；

我朝早想開熱水梳洗，

係冇熱水架，

我打去服務台問佢哋話要一路開住水喉等佢15-20分鐘D水先熱喎，

唔係嘛，

咁都得!

(當日早上得3-4度咋!)

放低行李後，

我哋去咗溫泉賓館餐廳食晚飯，

超唔掂之二~D餸菜係凍凍哋和冇咩味道架!




我要搵師傅~康師傅呀!

好彩我哋係油站買咗杯麵，

有宵夜食，

不過呢個杯麵唔平要成7蚊人仔架!

係賓館買要8蚊人仔添!

我哋曾經中途落車買生果，

俾我哋搵到間小辦館，

裡面D杯麵4蚊人仔咋，

又掃多2個杯麵呀!

 

 

 

 

大家可以入嚟Facebook讚下我新開嘅Fans專頁呀!

 

雀后(添飯)Facebook Fan Page