梅菜鴨!

噚日整咗呢個梅菜鴨，

超正啦，

大小魔怪差D連骨都食埋呀!

所以次次我返惠州，

一定要帶D靚梅菜返嚟整呢個餸o架!

今次我買呢個鴨有成4斤，

超巨型呀!

我個24 cm LC煲都擺唔落隻鴨，

所以今次改用生鐵鑊嚟炆呀!

 

 

材料: 米鴨一隻、咸和甜梅菜各1棵、薑一大片

醃料: 老抽和紹酒各一湯匙

調味: 豉油2湯匙、老抽1湯匙、紹酒1湯匙、冰糖4粒(小)和5碗水

做法: 米鴨解凍洗淨後去頭和尾部，加醃料醃半日；

(最好將醃料搽勻鴨身裡裡外外)

梅菜浸洗切粒，用白鑊炒至乾身備用；

落少許油爆薑和略煎鴨的表面；加調味後用小火炆1小時，

隔去鴨油後，加埋梅菜炆多1小時，記得反轉鴨身，容易上色o架!

最後試味隨個人喜好加糖調味便成。
 

 

 

大家可以入嚟Facebook讚下我新開嘅Fans專頁呀! 

 

雀后(添飯)Facebook Fan Page