2012年1月20日 星期五

頭啖糕!

 
今日係年廿七,

係我放假的第一日;

晨早7點半落街市菜檔買蘿蔔和菜,

嘩,

使唔使咁誇張呀,

竟然已經有50-60人係度排隊俾錢,

唔使錢咩???

我排隊俾錢都排咗半個鐘,

個個人都好聰明攞埋手推車去買餸,

咁重點攞呀???

今日我整呢個蘿蔔糕,

簡簡單單,

勝在有我嘅愛心係哂裡面;

啱啱蒸出嚟嘅頭啖糕,

正,

因為我落好勁多胡椒粉呀!

 



材料: 6斤蘿蔔、粘米粉一包(600g)、臘腸4​條、臘肉1條半、

蝦米3兩、薑3片、冰糖1小粒、浸蝦米水大半碗、XO醬兩湯匙

調味: 鹽2.5茶匙、胡椒粉適量(按自己喜好落鹽市調味)

做法: 蘿蔔去皮洗淨刨絲;臘腸、臘肉蒸熟切粒備用;

蝦米浸軟切粒;唔使落油爆香臘味和蝦米後盛起;

唔使洗鑊,加薑片炒蘿蔔絲滾起後加冰糖,

煮至蘿蔔變透明色,如水多不用加蝦米水,(今次我冇落呀!)

落臘味和蝦米攪勻,(留起少量臘味舖面)

加鹽和胡椒粉調味熄火,

將1包粘米粉逐少分4次左右加入蘿蔔絲裡,

不斷攪拌至粉和蘿蔔絲混合為止,

隔水蒸1.5小時左右便成,

今次我整咗2個8吋和一個長型嘅蘿蔔糕。

(XO醬係蒸完蘿蔔糕後先放入糕面o架!)
 
 
 
 
 

 
大家可以入嚟Facebook讚下我新開嘅Fans專頁呀! 

沒有留言 :

張貼留言

如果大家覺得我煮嘅餸菜啱哂口味嘅話,不妨留個言,鼓勵下我啦!