2011年2月25日 星期五

鵪鶉蛋燒賣!

呢款茶樓點心好耐冇食過啦!
雖然係就係冇咩益,
不過又唔係成日食,
一年都食唔到一次,
一於整嚟食啦!






     

材料: 鵪鶉蛋、豬肉碎、正方形餃子皮和油少許
醃料: 豉油、糖、粟粉、麻油和水少許做法: 煲熟鵪鶉蛋去殼;
豬肉碎用醃料醃1小時;  將鵪鶉蛋放在餃子皮中間,加入豬肉碎,
將餃子皮收埋輕輕扭一扭,反轉放在搽咗少許油嘅碟上,蒸15分鐘便成。
**溫馨提示
~搽少少油係碟上,等蒸好的鵪鶉蛋燒賣唔會黏在碟上。
~蒸鵪鶉蛋燒賣時,唔好黐得太近,會黐埋一堆o架!



P.S. 小魔怪食咗一碟3粒,

佢話唔夠喉呀! 

啱啱又蒸好一碟,

大魔怪一次食咗6粒,

亞仔,好高膽固醇喎! 

媽咪,我高得起呀!


 



大家可以入嚟Facebook讚下我新開嘅Fans專頁呀!  

沒有留言 :

張貼留言

如果大家覺得我煮嘅餸菜啱哂口味嘅話,不妨留個言,鼓勵下我啦!