雖然食咗幾日中藥，
不過我認衰知衰啦!
呢幾日冇戒口，
又去燒烤，
又飲凍嘢，
所以攪到個病冇咩進展，
仲係流梗鼻水和咳。
今日見口淡淡咁，
於是整個一大鍋五香香菇肉燥，
用嚟撈飯撈麵好鬼正o架!
專登買咗支台灣醬油膏嚟煮肉燥，
感覺好台灣feel呢!
材料: 豬肉碎(少少肥肉最好)、蒜蓉、乾蔥蓉和冬菇12隻切粒
醬料: 醬油膏2湯匙、豉油1湯匙、老抽1湯匙、五香粉1湯匙、
胡椒粉半茶匙、黑胡椒半茶匙、紹酒1湯匙、糖2湯匙、鹽1茶匙和3碗水
做法: 用少許油爆蒜蓉和乾蔥蓉，加豬肉碎和冬菇炒香，
後加醬料煮30分鐘左右便成，唔夠色水可加少少老抽調色呀!
今次我仲加咗3隻雞蛋一齊煮，
鹵蛋，正呀!
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!