營養豐富~三文魚頭蕃茄豆腐湯

 

今日見三文魚頭平，

 

買咗個嚟滾啖湯飲，

 

加咗蕃茄豆腐和甘筍，

 

啖湯真係好甜呀!

 

咖哩魚蛋

 

小魔怪好鐘意食咖哩魚蛋，

 

有時同佢出街食下午茶，

 

佢都會叫碟咖哩魚蛋豬皮嚟食，

 

今日買咗2磅魚蛋整俾佢食，

 

夠皮未呀???

 

 

 

薯仔煎餅

 

前兩日我出咗門冇煮飯，

 

係屋企嘅大魔怪冇啖好食，

 

因工人姐姐唔係咁識整素菜，

 

所以好多時佢都係食煎蛋麵醫肚；

 

我返咗嚟，

 

煮多少少嘢俾佢食啦!

今次又係用呢包印尼炸粉，

不過唔係整栗米餅，

係整薯仔餅呀!
 

 

 

夏日惠州遊~第二日 &手信

 

講到手信呢???

 

初頭真係買咗好少嘢，

 

老公買咗好多荔枝和黃皮，

 

桂味荔枝5蚊斤，

 

黃皮貴少少，

 

呢度好似15蚊，

 

兩扎菜乾13蚊人仔，

 

蒜香花生10蚊人仔。

 

夏日惠州遊~第一日

 

噚日我同老公返惠州，

 

約埋早一日返去嘅姑奶、姑奶的朋友和堂妹，

 

第一件事就係搵食喇!

 

搵食嘅嘢，

 

叫我帶路???

 

我真係唔掂，

 

我剩係識食架咋!

 

食嘢，

 

緊係要搵姑奶朋友啦!

 

唔好講笑，

 

隻大奄雞真係超滑，

 

連塊雞皮都好食過人呀!

 

 

大圍小肥牛

星期四晚，

10位靚女齊齊去打邊爐，

地點係大圍小肥牛；

食完仲意猶未盡，

走咗去對面嘅殿堂級食甜品呀!

打邊爐食咗$1900，

甜品食咗$357呀!

食清D~炒素伊麵&菜乾咸鴨腎豬展粥

 

呢幾日，

 

日日食唔停，

 

係時候要食清少少啦!

 

所以今日下午煲粥和炒素伊麵，

 

簡簡單單又一餐呀!

 

 

麵醬炆白豆

 

白豆除咗可以椒鹽外，

 

仲可以用嚟炆排骨；

 

今次我唔炆排骨，

 

係炆豆腐干，

 

一樣咁好食呀!

 

外食~天水圍福田日式料理

 

呢排荔枝平靚正，

 

前前後後老公和我買咗7磅荔枝返屋企，

 

但係一粒荔枝3把火，

 

食到我喉嚨痛呀!

 

本來想留番係屋企休息休息，

 

點知小魔怪話想食放題喎!

 

見屋苑商場開咗間新日本餐廳，

 

近近哋咪走去試下囉!

 

我哋食激安時段下午5:30~7:15，

 

連加一每人$130，

 

超抵食呀!

 

D三文魚大件到呢，

 

小魔怪話好似食咗成條生魚落口咁呀！

 

我發覺我嘅食力真係麻麻，

 

呢度大部份係小魔怪食架!

地址:天水圍新北江商場1樓B12-14號，

電話: 21046998(12:00~23:00)
 

 

七一晚餐

 

今日七一假期，

 

我哋約埋母親大人、妹妹一家去姐姐家耍樂；

 

又係姐夫大顯身手，

 

煮咗海鮮餐俾我哋食，

 

呢餐有魚蝦蟹蜆，

 

仲有母親大人炆嘅牛腩，

 

我負責整涼拌支竹雲耳呀!

 

湯就係合掌瓜煲豬展呀!