每次炆呢個牛筋腩肚，
我都鐘意落蘿蔔；
但今日改咗落兩個大薯仔去炆，
小魔怪竟然話好好食，
睇嚟以後都係要落薯仔架啦!
材料: 牛肋條1.5磅、牛肚1磅、熟牛筋1磅、薑12片、蒜蓉、紹酒2湯匙
調味: 黃豆醬1湯匙、辣豆瓣醬半湯匙、蠔油1湯匙、豉油1湯匙、
老抽適量、冰糖1大粒
做法: 牛肋條和牛肚解凍後，放入鑊內加水、薑5片和紹酒1匙煮滾，
出水10分鐘後撈起沖水，牛肋條切粒，牛肚切長條；熟牛肋沖洗後切件；
燒熱油鑊落薑7片、蒜蓉和辣豆瓣醬炒香，加牛腩和牛肚炒勻贊酒，
落其餘調味~黃豆醬、蠔油、豉油、老抽和冰糖，
落水蓋過牛腩煮滾，轉小火炆1小時後，落埋熟牛筋炆多1小時，
熄火後唔好開蓋繼續炆焗；飯前再開火煮滾落薯仔再炆30分鐘，
最後按個人口味落鹽調味和落生粉水埋芡汁便成。
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!