花生滷鳳爪

昨日滷咗一大煲花生鳳爪，

用嚟送飯送粥都好得正架!

材料: 炸鳳爪1.5磅、花生$8、薑6片、紹酒1湯匙、八角1粒

調味: 蠔油1.5湯匙、豉油1湯匙、老抽1湯匙、辣豆瓣醬1湯匙、

鹽1茶匙、糖1.5茶匙、胡椒粉適量、2.5碗水(連烚花生水)

做法: 花生浸30分鐘後隔去水份，將3碗水和花生放入鍋內煮滾後，

轉小火慢慢炆煮1小時，熄火唔好開蓋焗至花生2小時，而烚花生水留用；

燒熱水落薑3片、紹酒和鳳爪出水23分鐘後，沖洗乾淨備用；

熱鍋落少許油先爆香薑片，落鳳爪、花生、八角和調味煮滾後，

轉最小火慢慢炆煮1小時便成。

~炆炸鳳爪千祈唔好用大火，唔係D鳳爪好易炆爛哂架!

~先用水炆煮花生，再加埋鳳爪繼續炆，咁D花生就會好腍架喇!

~炆過花生嘅水係精華嚟架，所以千祈唔好倒咗佢。

~呢個花生滷鳳爪隔夜後再煮滾佢嚟食，花生和鳳爪會更入味架呀!

  

大家可以入嚟Facebook讚下我新開嘅Fans專頁呀!

 雀后(添飯)Facebook Fan Page