2018年3月24日 星期六

蘿蔔牛筋腩


煮蘿蔔牛腩時,

我鐘意加埋條熟牛筋落去一齊炆,

如果買到舊靚牛肚就更加好啦!

可惜今日搵唔到靚金錢肚,

有少少失望啊!






材料: 牛肋條1.5磅、急凍熟牛筋1磅、蘿蔔1條、薑4片、八角1粒、紹酒

調味: 柱候醬1湯匙、蠔油1湯匙、豉油1湯匙、豆瓣醬1湯匙、冰糖1湯匙

做法: 凍水放薑2片和紹酒加入牛肋條煮滾,出水10分鐘後撈起切件;

熟牛筋洗淨後切件;蘿蔔去皮切件;

凍鍋落少許油,落2片薑片和柱候醬爆香,加牛肋條炒勻後贊紹酒(半蓋),

落蠔油、豆瓣醬、豉油、冰糖、八角和熱水2.5碗,

中火煮滾後轉小火慢慢炆45分鐘;落蘿蔔和熟牛筋,

炆多45分鐘(全程滾後轉最小火繼續炆),最後加老抽調色便成。

(如果用普通煲炆嘅話,要落多1~2碗水和炆耐少少啦!)

(呢個餸炆定隔日食仲入味呀!)

 
  
大家可以入嚟Facebook讚下我新開嘅Fans專頁呀! 


6 則留言 :

  1. 我對牛麻麻,但喜歡食牛筋腩。

    回覆刪除
  2. 講起食牛腩, 近日我都有件把鬼的事要講一下, 近星期好撲頻去了大陸兩個城市, 先講第一個, 那碟說原味牛腩根飯, 收到38元人仔, 無野飲, 只係淨碟飯, 送到我面前時, 竟然只有4舊細細舊牛腩, 連1條筋都無, 飯只係一個普通碗大的份量. 汁好少! 牛腩入面食到無任何配料, 無蘿白, 連如八角/薑等香料都無加入. 最後兩個人連另叫野飲, 足足102元人仔. 好貴! 跟住, 第二日去了另一個大陸城市, 碟牛腩飯, 有送湯, 無野飲, 25元人仔/碟. 係食到牛腩同筋及見到有薑, 份量都多, 但個汁同多, 主要都係汁送飯, 但問題係牛腩入面勁落糖, 成碟飯好似食緊糖! 出街食, 真係無可奈何自己煮唔到先去食, 否則都係自己要勤力D自己煮, 先至有保證!

    回覆刪除
    回覆
    1. 出街我好少會叫牛腩食架,因為次次都覺得又貴又唔抵食呀!

      刪除

如果大家覺得我煮嘅餸菜啱哂口味嘅話,不妨留個言,鼓勵下我啦!