2018年2月13日 星期二

2018朱家蘿蔔糕


今日好勤力,

一早起身買哂所有材料,

開始整朱家蘿蔔糕呀!

今年刨咗5斤半蘿蔔,

其中有部份蘿蔔用刀切絲;

總共整咗2個9寸和2小個蛋糕盆嘅蘿蔔糕,

一次過放哂入蒸焗爐度蒸,

慳水又慳時候,

正呀!

















材料: 蘿蔔5斤半、粘米粉一包(600g)、臘腸5條、臘肉1條、蝦米4兩、

薑數片、冰糖1粒、浸蝦米水1碗、炒香白芝麻適量

調味: 鹽3茶匙、胡椒粉適量(按自己喜好落鹽和胡椒粉調味)

做法: 蘿蔔去皮洗淨刨絲,留部份蘿蔔用刀切絲;

蝦米浸軟;臘腸、臘肉和蝦米蒸熟,臘腸和臘肉切粒;;

唔使落油爆香臘味粒和蝦米後盛起;原鑊加薑片炒蘿蔔絲,

加冰糖和1碗浸蝦米水,煮至蘿蔔變透明色,落臘味粒和蝦米攪勻,

(記得留番少少臘味舖係蘿蔔糕面)

加調味後熄火,將1包粘米粉分3次加入蘿蔔絲裡,

不斷攪拌至粉和蘿蔔絲混合為止,放入蒸焗爐用105度蒸1個半小時,

又或用鑊隔水蒸1小時半,取出蘿蔔糕後,

灑上炒香芝麻和舖上少許臘味粒裝飾便成。




 


大家可以入嚟Facebook讚下我新開嘅Fans專頁呀! 

12 則留言 :

  1. 用蒸焗爐真係好方便喎!

    回覆刪除
    回覆
    1. 一次過蒸哂咁多底蘿蔔糕,真係幾方便架!

      刪除
  2. 好好味呀, 真係好正呀, 多謝曬呀

    回覆刪除
    回覆
    1. 嘻嘻,大家鐘意食,我都好開心呀!

      刪除
  3. 好多料,好正!你的爐咁方便請問是什麼牌子而且是否也有發酵功能呢?謝謝!

    回覆刪除
    回覆
    1. 惠而浦呀!佢都可以用嚟發酵麵包架!

      刪除

如果大家覺得我煮嘅餸菜啱哂口味嘅話,不妨留個言,鼓勵下我啦!