南乳蓮藕炆栗子

 

噚日去街市，

 

俾我見到D靚靚桂林錐栗子，

 

即刻買番包嚟炆蓮藕，

 

加埋木耳和豆腐卜，

 

呢個素菜真係好惹味呀!

 

 

 

材料: 蓮藕2節、栗子1包、木耳2朵、豆腐卜8個、南乳1磚(大)、

 

薑片、蒜蓉和乾蔥片

 

調味: 老抽1湯匙、冰糖2小粒

 

做法: 蓮藕去皮切件；栗子去皮備用；木耳浸軟切絲；

 

南乳加少許水搓勻；豆腐卜洗淨揸乾水份切半：

 

落少許油熱燒鑊爆香薑片、蒜蓉、乾蔥絲和南乳，

 

加入蓮藕快炒，落冰糖和2碗水煮滾後，轉中慢火先炆30分鐘，

 

加木耳、栗子和豆腐卜再炆多15分鐘，

 

最後加少許老抽調色和落粟粉水埋茨汁便成。

 

  

 

大家可以入嚟Facebook讚下我新開嘅Fans專頁呀!  

 

雀后(添飯)Facebook Fan Page