2014年2月6日 星期四

唔辣版~豬皮蘿蔔魚蛋雞翼尖

 
今日係人日,
 
我雀后祝大家人日快樂。
 
朋友仔話想食豬皮蘿蔔魚蛋雞翼尖,
 
所以整咗呢個唔辣版,
 
咁就大人細路都啱食啦!
 
 
 



 
材料:  豬皮4兩、蘿蔔1個、醬油魚蛋1磅、雞翼尖1磅、
 
薑蓉、乾蔥蓉、蒜蓉、薑和蔥
 
醃料: 豉油1.5湯匙、老抽1湯匙、糖和粟粉各一茶匙、紹酒少許
 
調味: 柱候醬2湯匙、蠔油1湯匙、豉油1湯匙、冰糖1湯匙、4碗水
 
做法: 雞翼尖解凍後,用醃料醃1小時;

預先浸軟豬皮後,用薑蔥出水15分鐘熄火焗15-20分鐘瀝乾水份,

小心清去豬皮上沙粒和豬毛備用;蘿蔔切大件後,

用薑和2茶匙糖和水煲15分鐘;

燒熱鑊落油爆香蒜蓉、乾蔥蓉和薑蓉,

加雞翼尖快炒數十下,落1碗半水加鑊蓋煮15分鐘後,

落蘿蔔、豬皮和調味煮20分鐘,最後落魚蛋煮多5~8分鐘左右,

如汁多可用2茶匙粟粉水埋獻便成。






 
 
 
大家可以入嚟Facebook讚下我新開嘅Fans專頁呀!
 
 

 
 


22 則留言 :

  1. 呢個開大食會好啱用呀..

    回覆刪除
    回覆
    1. 人多食最好,搶下搶下先滋味嘛!

      刪除
  2. 回覆
    1. 哈哈,識貨喎,依家香港食魚蛋唔平呀!新年買成$40蚊一碗呀!

      刪除
  3. 唔辣版雖然吸引,但我都係喜愛大辣版多D,嘻 ...... ^^

    回覆刪除
    回覆
    1. 我都鐘意食辣架,不過就小朋友冇計啦!

      刪除
  4. e隻魚蛋,邊度有得賣? 我區有得賣,不過唔好食嘅!

    回覆刪除
    回覆
    1. 我係天水圍天耀街市買架,係凍肉舖買會好少D呀!可惜今日冇開,轉去買豆腐芽菜舖頭買就唔夠彈牙啦!@@"

      刪除
    2. 我都係凍肉舖買,但係唔好食,同細個時食果d唔同嘅! 怪怪的!

      刪除
    3. 嗚嗚!......所以好難買到又靚又彈牙嘅醬油魚蛋啦!

      刪除
  5. 嘩....有埋雞翼尖 ! 真係地道港式美食 !

    回覆刪除
  6. 人日快樂,好盆菜 feel 呀!

    回覆刪除
  7. 唔上FB都唔知尋日係人日呀!

    回覆刪除
    回覆
    1. 過年時,日日都係假期,真係唔覺果日係人日架!

      刪除

如果大家覺得我煮嘅餸菜啱哂口味嘅話,不妨留個言,鼓勵下我啦!