2013年12月2日 星期一

蕃茄薯仔紅蘿蔔煲三文魚頭湯

 
噚晚睡姿瞓得唔好,
 
攪到今朝起身瞓厲頸,
 
痛到吖!
 
唔知今日煲嘅三文魚頭湯,
 
可唔可以補頭呢?
 
哈哈!
 


 


材料: 三文魚頭1個、蕃茄3個(大)、薯仔2個、紅蘿蔔2個和薑片

醃料: 鹽和胡椒粉

做法: 三文魚頭解凍,開邊後用醃料醃一陣;

蕃茄、薯仔和紅蘿蔔切件;凍油(少少)落在LC24cm湯煲內,


爆香蕃茄至出茄油後,加薯仔和紅蘿蔔和熱水放入煲至翻滾;


同時燒熱鑊爆香薑片落三文魚頭煎煎兩面後,

把三文魚放入煲內煲1個半小時,加鹽調味便成。


(個三文魚頭點胡椒粉豉油係超好食架!)




  


大家可以入嚟Facebook讚下我新開嘅Fans專頁呀! 
 

24 則留言 :

  1. 呢個我時時煲架,好味。

    回覆刪除
    回覆
    1. 依家D三文魚頭都幾平,合乎經濟原則呀!

      刪除
  2. 我始終覺得三文魚太多油.......

    回覆刪除
  3. 魚頭太大個食唔晒,我用三文魚骨煲咋,襯熱飲好味啲!

    回覆刪除
    回覆
    1. 我哋好鐘意食魚頭,大大個都食得哂呀!

      刪除
  4. 不過睇妳嗰煲湯又好似冇乜油咁喎!

    回覆刪除
  5. 三文魚唔補頭都補你腦啦!有Omega3 嘛,哈!而家好D 未冇?

    回覆刪除
  6. 哈哈, 要食埋豬頸肉先可以補返條頸!!! Take care!!

    回覆刪除
    回覆
    1. 係喎,等我聽日買豬頸肉食先得!

      刪除
  7. 三文魚頭湯我都成日煲, 鍾意食, 咩都唔腥。

    回覆刪除
  8. 想問...我蒸三文魚頭有好多油.......咁點煲啲湯會冇油?

    回覆刪除
    回覆
    1. 如果妳煎完魚頭後直接贊水落鑊,咁就會有好多油架,我用另一個煲加水預先滾蕃茄薯仔紅蘿蔔,將煎好魚頭即刻落滾湯度,咁就唔會連煎魚油一齊落湯度架啦!再唔想咁多油,飲前片起湯上嘅油,今次我冇片,因為油真係唔係好多呀!

      刪除
    2. 唔該晒, 我想煲呢个湯好耐, 但驚好多油冇煲!

      刪除
    3. 呢個湯好好飲,妳都試下煲啦!

      刪除

如果大家覺得我煮嘅餸菜啱哂口味嘅話,不妨留個言,鼓勵下我啦!