昨日我、老公和姑奶齊齊返惠州，
飲飲食食之餘，
而買咗一大堆手信返嚟呀!
王老吉一箱、6斤重黃油雞1隻
蝦皮和咸魚乾
超甜沙糖桔
母親大人指定要嘅惠州梅菜
甜、嫩農家菜芯
自家製豬肉丸
大大鑊46cm翁18寸生鐵鑊1個(弟婦已幫我用豬油韭菜開鑊)
衛衣2件(抓毛底)
講完手信，
睇下我哋呢兩日食過咩啦!
午餐食竹蔗馬蹄蘿蔔炆羊肉，
老公帶埋私家紅酒返惠州，
唔怪得佢個袋咁重啦!
夜晚，
弟婦整咗客家蘿蔔粄俾我哋食，
雖然同老公細細個時食嘅有分別，
(老公話佢哋細細個係放湯食架!)
不過佢哋都食得好滋味呀!
仲要我學整添!
今朝早餐食羊肉米粉，
下午，
緊係食自家養嘅肥雞啦!
食飽飽，
坐大巴返香港啦!
大家可以入嚟Facebook讚下我新開嘅Fans專頁呀!
炆羊肉好正喎！紅酒相下面，果幾舊好似粉菓係乜？
回覆刪除果個係客家蘿蔔粄，家鄉嘢嚟架，裡面有蘿蔔絲，油豆腐絲，臘肉絲，芹菜粒，蝦米蓉、蔥等等，個皮呢就係糯米粉搓架!
刪除你返親去都有好多手信拎返來喎
回覆刪除哈哈，每次我哋都會搬咗個小惠州返香港架!>.<
刪除嘩....妳都番得好密喎....咁大胆食雞？哈哈
回覆刪除老公要尋根，想係果邊買層平平哋樓做落腳點，所以咪返得密D睇樓囉!
刪除個蘿蔔粄有啲似煎薄撐呀
回覆刪除呢款係煎蘿蔔粄，我都係第一次食呀!
刪除嚇得我呀.....開頭齋睇相唔知你食羊肉， 仲以為你食狗肉添呀！哈哈！
回覆刪除狗肉我係唔會食架；不過好耐之前老公佢哋返去係食狗肉呀!@@
刪除支持妳學整d，蘿蔔板。 豬肉丸是自家製？
回覆刪除睇見都流囗水呀！
豬肉丸係買新鮮豬肉俾人整架，好彈牙，好好味道呀!
刪除o係大陸買雞冇有怕??
回覆刪除隻雞係親戚自家養，我哋次次返嚟都食雞架!
刪除嘩!6斤重黃油雞,可以食到真係一重種福氣呢!
回覆刪除係呀，係香港，依家好少會食到咁靚嘅新鮮雞啦!
刪除農家菜的風味....你一定整到啦))))))
回覆刪除沙糖我都想食呀~~~
尋日用D菜芯打邊爐，全部食哂呀!
刪除最叻係識買福田菜心，呢樣香港真係買賣唔到架，正！
回覆刪除菜芯真係好甜，好嫩呀!
刪除你每次都搬咗個惠州返嚟。
回覆刪除哈哈，又真喎，次次我哋都拎到手軟呀!
刪除露天煮食⋯想要幾好鍋都有!!
回覆刪除你連生鐵鍋都掃返香港!?勁!!!
我都唔知個鑊抵唔抵，不過堂弟婦幫我用豬油和韭菜開埋個鑊，唔使我煩喎，緊係買啦!
刪除蘿蔔粄好特別, 我都很喜歡吃鹹茶果.
回覆刪除我都未食過，不過老公姑奶就好鐘意食啦!
刪除很喜歡這種地道風味！
回覆刪除家鄉風味，正呀!
刪除