女人唔補好易老~鮑汁蠔皇花膠冬菇炆鴨腳！

 

上次去流浮山買咗包花膠粒，

我本來都唔識買架，

點知有班師奶專登入嚟大量入貨，

見咁多人買，

我梗係要問下班師奶買嚟做咩啦???

佢哋話呢D係花膠粒，

同花膠功效一樣，

不過價錢用市區爭一截啦!

佢哋入親嚟都會大量入貨，

仲話用嚟煲湯和炆都好好食架!

見有筍嘢我緊係唔執輸買番包啦!
 

 

 

材料: 鴨腳$20、冬菇2兩、花膠粒適量、薑片、乾蔥頭3粒、

 

玫瑰露酒少許、紹酒少許、1茶匙粟粉水

調味: 鮑魚汁1.5湯匙、蠔油1.5湯匙、老抽2湯匙、生抽1湯匙、

冰糖3-4小粒、水2碗

做法: 鴨腳用薑片和紹酒出水備用；冬菇浸軟去蒂備用；

花膠用薑片出水15分鐘後熄火焗1-2小時後瀝乾水份；

燒熱鍋加油爆香薑片和乾蔥頭，落冬菇快炒後贊玫瑰露酒，

加入鴨腳、花膠和調味炆30分鐘，

如多汁可加少許粟粉水埋獻便成。

 

 

 
 

大家可以入嚟Facebook讚下我新開嘅Fans專頁呀!

 

雀后(添飯)Facebook Fan Page