羅宋湯!

記得細細個同父母出街食西餐都會選擇飲忌廉湯；

不過唔知係咪年我紀大，

依家越來越鐘意飲羅宋湯，

鐘意佢酸酸辣辣，

最梗要係多蔬菜，

啱哂我呀!

 

 

材料: 蕃茄3個、甘筍2條、薯仔2個、西芹4條、椰菜半個、

牛油1湯匙、茄膏半罐、牛展1條、水1500ml、月桂葉3塊

(今日我唔記得買洋蔥，所以冇加到呀!)

做法: 牛展出水後切粒備用；薯仔、甘荀、西芹切粒；

蕃茄浸熱水後去皮切粒；椰菜切絲；

燒熱鍋加牛油爆香薯仔、甘荀、西芹、蕃茄、椰菜和半罐茄膏，

炒數十下後，加入牛展粒、水和月桂葉，

煲2小時後加鹽調味便成。(隨個人口味可灑少許胡椒粉)

 


 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page