2010年7月24日 星期六

2010澳門狂食之旅!(第二天)

 
第二天早上,(7月23日)
澳門朝早下著細雨,
不過當我哋出門搵食時,
天氣又開始放晴啦!
可惜個個都仲未瞓醒,
得4個人包括我、老公、母親大人和姨甥仔,
去咗附近食早餐!
又買咗2個杯麵俾大小魔怪頂住肚先。

之後,等大家瞓醒食飽後,
夾啱時間坐酒店免費巴士去碼頭,
再坐免費巴士到威尼斯人酒店逛逛啦!
咁又慳番3部的士錢啦!
又食、又玩、又逛咗2個半鐘!

準時1點半由威尼斯人行去官也街,
好彩太陽伯伯曬得唔太犀利,
間中仲有陣陣涼風,
爽呀!
經過呢條跛腳梯就見到呢間鴻彬記小食,
呢度D牛雜好得好味道,
不過好細碟,
1碟唔夠食要叫食2碟囉!
仲有老公叫嘅牛雜飯!

食完又係食甜品嘅時間啦!
有榴槤雪糕、芒果布甸、芒果雪糕、楊枝金露、木糠蛋糕、汽水和雜果撈!

晃記嘅肉切酥好好味,
連亞蘇都大讚o架!
於是我又買咗少少返香港!

見到誠昌啦!
呢次又係過門而不入,
唯有下次再嚟澳門先食蟹粥啦!

我就係呢間買咗幾包紐結糖啦!

又點可以唔嚟大利來食豬扒包呢!
昨日係義順食得唔夠喉,
今次豬扒大大件、麵包脆卜卜,
一個字~正!
食埋呢個包我哋已經飽到上心口啦!
真係食唔落啦!
又熱、又攰,
大家決定早搭船返香港啦!


我哋來回都係坐新渡輪呀!
原本新渡輪同港鐵做梗優惠,
只要在船上用成人百達通確認後,
由柯士甸站和尖東站搭港鐵,
最高可以平$6,
嘻嘻!我哋一家4口搭西鐵返天水圍,
大小魔怪有乘港鐵有學生優惠,
總之夾夾埋埋大人連細路車費平咗廿幾蚊啦!
 
 
 
  
大家可以入嚟Facebook讚下我新開嘅Fans專頁呀! 
 


 

沒有留言 :

張貼留言

如果大家覺得我煮嘅餸菜啱哂口味嘅話,不妨留個言,鼓勵下我啦!