今日老公話想食涼瓜排骨，
必須安排啦!
買咗個雷公鑿苦瓜$11，
再買多$30腩排，
炆咗呢碟豉汁涼瓜排骨，
今餐1個餸2個人食，
足夠啦!
材料: 涼瓜1個、腩排$30、蒜蓉、豆豉粒、紹酒少許
醃料: 豉油1湯匙、鹽半茶匙、糖1茶匙、生粉1茶匙、麻油少許
調味: 蠔油1湯匙、豉油半湯匙、老抽1茶匙、鹽少許、糖1茶匙
做法: 腩排洗淨後落醃料醃1小時；涼瓜去囊後切片；
燒熱水落少許鹽，灼涼瓜1分鐘左右後撈起瀝乾水份；
燒熱油鑊落腩排略煎兩面後贊紹酒，加調味和1碗水炆排骨30分鐘；
燒熱油鑊落蒜蓉豆豉粒爆香，落涼瓜快炒後，
落排骨(連炆排骨汁)煮至涼瓜熟，最後加少許生粉水埋芡汁便成。
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!