南乳花生炆豬手

噚日執廚房，

見到仲有半包花生係度，

所以今日即刻買隻豬手返嚟，

用南乳炆咗一大鑊南乳花生炆豬手。

材料: 豬手1隻、花生1碗、薑10片、紹酒1湯匙、冰糖適量

醬料: 南乳1磚(大)、蠔油1湯匙、豉油1湯匙、老抽適量

做法: 豬手洗淨後，放入鑊內加水、薑4片和紹酒1湯匙，

出水10分鐘後沖洗乾淨備用；花生浸30分鐘或以上；

落少許油爆香薑6片，加入豬手和醬料快炒數十下，

讓豬手沾上南乳醬後再沿鑊邊贊適量紹酒，

加花生、冰糖和水(蓋過豬手)，煮滾後中小火慢慢炆1.5小時後熄火，

熄火後唔好開蓋焗下佢，食飯前翻熱15分鐘後，

加少許生粉水埋茨汁便成。

  

大家可以入嚟Facebook讚下我新開嘅Fans專頁呀!
 

 雀后(添飯)Facebook Fan Page