小休

舊患嘅嘢，

真係話嚟就嚟；

我嘅腰痛時不時都會發作架啦!

前兩日腰骨都已經有少少痛，

唔嚴重，

叫老公幫手搽按摩膏就算；

但到咗星期二晚，

腰骨開始痛到爆，

我諗住早D瞓休息下，

點知瞓底咗就起唔到身，

痛到亞媽都唔認得，

唯有拿拿臨去睇急症，

等咗5個半鐘先睇到我，

檢查完一輪話入醫院check下穩陣D，

就係咁，

我入咗醫院瞓咗一晚，

今日星期四先出院。

入醫院瞓咗一晚，

食咗6餐，

照咗X光，

見醫生2次，

見物理治療師2次，

醫生俾咗粒超級止痛藥我食，

真神奇，

痛症真係減輕唔少，

不過人人接受呢個藥有不同反應，

唔食得多架!

星期三完全落唔到床，

到今日星期四，

我已經可以落床周圍行，

經醫生和物理學家治療師評估後，

我可以出院喇!

出院經過買咗少少甜點安慰自己。

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page