唔想再食了無新意的家常菜？唔知外面的餐廳有無用地溝油？ 覺得下廚好難、好麻煩？定係，根本無時間下廚？ 無論如何，自己親手烹調的最健康、最美味同安全﹗ 幸福可以好簡單，為自己的家人洗手作羹湯， 雖然平凡，卻絕對是人間美味。 平凡的食材、用簡單步驟，就能令你同家人一齊感受舌尖上的幸福﹗ 雀后，自問只是一名平凡的家庭主婦，然而她每天都會用心經營，為家人送上最暖的心意，煮出一道道幸福美味。自從大小魔怪出生後，雀后從不假手於人，一家大小的飲食都是她一手包辦，由買餸醃肉到落手落腳煮，都親力親為，務求家人食得健康，食得開心﹗
今日買咗個買咗個肥嘟嘟深綠色的涼瓜~雷公鑿，
用嚟炆燒鴨，
涼瓜和燒鴨都係老公至愛，
所以今餐餸啱哂佢口味呀!
材料: 雷公鑿涼瓜1個、燒鴨約10件、蒜蓉、豆豉粒半湯匙、生粉水
調味: 蠔油半湯匙、老抽少許、糖1茶匙、鹽少許、1碗水
做法: 豆豉粒浸一陣，加入蒜蓉贊少許熱油撈勻備用；
涼瓜去囊後切片，燒熱水落少許鹽，灼涼瓜1分鐘左右後撈起；
燒熱油鑊蒜蓉豆豉炒勻後，加入涼瓜和贊紹酒少許炒勻，
加調味炆涼瓜煮5~8分鐘至涼瓜腍身，落燒鴨件炒勻炆多2分鐘，
最後加生粉水埋獻汁便成。
如果大家覺得我煮嘅餸菜啱哂口味嘅話，不妨留個言，鼓勵下我啦!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!