生炒臘味糯米飯

噚晚老公話想食臘米飯，

咁啱屋企有齊材料，

所以今午就整咗生炒糯米飯俾佢食喇!

今日小魔怪WFH，

佢又有口福喇!

生炒臘味糯米飯，

半盒蓮塘買嘅燒肉，

灼碟菜芯，

開得飯喇!

材料: 糯米2.5杯、臘腸2條、冬菇7隻、蝦米仔3湯匙、清雞湯1小盒250ml、

雞蛋1隻、炸香花生、蔥粒

調味: 老抽1.5湯匙、豉油1湯匙(可按個人口味加減)

做法: 糯米洗淨後用熱水浸水2小時(用碟蓋好)；

蒸熟臘腸、冬菇和蝦米切粒備用；雞蛋發勻煎成蛋皮後切絲；

用中火燒熱易潔鑊不需落油，爆香臘腸、冬菇和蝦米後盛起；

隔去浸糯米水後，用炒過臘味嘅易潔鑊炒糯米，(全程用中火)

盡量將糯米平舖在鑊內(讓糯米平均受熱)，不斷炒至糯米乾身，

分3~4次逐少加入雞湯，加湯後蓋上鑊蓋煮糯米1分鐘左右，

重覆落湯和炒糯米至全熟，加入臘味和落調味炒勻，

最後舖上蛋絲、灑上蔥粒和炸香花生便成。

  

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page