黃豆醬肉豆炆腩排

 

黃豆醬肉豆炆腩排，

我其實都幾鐘意炆呢款肉豆嚟食，

炆到D肉豆腍腍哋，

送飯好正架!

今次用個煲仔炆，

原煲上，

碟都洗少隻呀!

材料: 肉豆適量、腩排$50、薑片

醃料: 豉油1湯匙、鹽半茶匙、糖1茶匙、生粉1茶匙、麻油少許

調味: 黃豆醬2茶匙、蠔油1湯匙、糖1茶匙、老抽少許(調色)

做法: 腩排沖洗後用廚紙索乾水份，落醃料醃30分鐘；豆色去頭尾切段；

燒熱鑊落油，加腩排和薑片略煎四面後，落調味和2碗水，

先炆腩排20分鐘後(滾後轉中小火)，加肉豆炆至豆熟後，

按個人口味落鹽調味後，最後落生粉水埋芡汁便成。

 

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page