臘味煲仔飯

老公和小魔怪成日都話想食臘鴨髀，

今日終於買咗隻臘鴨髀返嚟，

加埋臘腸和鴨潤腸，

整咗呢煲臘味煲仔飯呀!

材料: 2杯半米、臘鴨髀1隻、臘腸1條、鴨潤腸1條、蔥粒、紹酒1湯匙

調味: 煲仔飯豉油

做法: 臘腸、鴨潤腸和臘鴨髀用熱水沖洗後切片備用；

洗2杯半米後浸10分鐘，將米放入鍋內加2杯半水(量米杯)，

用中火煲約4~5分鐘至冒煙或差不多乾水後(即飯表面有細孔)，

用筷子係飯面拮十幾個窿窿後，將臘味平均放在飯面上，

轉最細火煲多15分鐘，期間需要將煲在煮食爐上下左右移動，

使飯焦平均分佈，熄火前，沿鍋邊灑上紹酒(等酒香透入鍋內)，

熄火後唔好開蓋焗5分鐘，最後灑上蔥粒和調味，撈勻食得!

~P.S: 煮食爐火力大，飯焦就會燶D好味D；

又或可以在未落餸之前，攪攪煲底嘅飯，

咁就唔會有太多飯焦和濃底架啦!

~係飯面拮窿窿，係想D熱力容易蒸熟臘腸呀!

  

大家可以入嚟Facebook讚下我新開嘅Fans專頁呀!

 雀后(添飯)Facebook Fan Page