素春卷

呢個週末，

整咗韓式雜菜炒薯粉絲外，

我仲炸咗碟素春卷添架!

雖然又要切又要炒料，

仲要嘥時間去慢慢包，

包完又要攞去炸，

都用咗幾多時間架!

但見到大小魔怪兩個人食到LamLam脷嘅時候，

抵番哂啦!

材料: 椰菜半個、甘筍1條、木耳適量、冬菇10隻、粉絲適量、

春卷皮1包、生粉半湯匙加少許水攪勻成漿

調味: 素蠔油1.5湯匙、豉油1湯匙、鹽少許、糖1茶匙、麻油少許、

水3湯匙、生粉水(如需要先落)

做法: 冬菇和木耳浸軟去蒂後切絲；粉絲浸軟備用；椰菜和甘筍(去皮)切絲；

燒熱油鑊先爆香冬菇後，加入椰菜、甘筍、木耳炒勻，落調味煮至菜熟後，

加入已剪斷嘅粉絲撈勻，如汁多加加少許生粉水埋芡；

取出春卷皮待涼10分鐘，逐塊慢慢撕開春卷皮(我係包一塊撕一塊架)，

咁就可以包春卷喇!

~記得用麵粉漿封口，包好嘅春卷就唔會散；

~未用嘅春卷皮要用保鮮紙包好，如果春卷皮風乾咗就會好易裂開架!

~包多咗可以放入冰箱，咁幾時食就攞出嚟炸就得；

~唔炸可以放入焗爐焗架!

~呢個份量嘅素菜料，我包咗17條春卷呀!

  

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page