登高&元朗成記

今日天氣好宜登高

雖然曬就曬咗D，

但清風送爽，

好舒服啊!

拜山後，

我同老公落咗元朗搵食，

我帶佢去食地道大排檔~成記。

(交通廣場對面冬菇亭)

午飯12:00開市，

我哋去到1點40分左右，

都坐滿人架!

不過等咗一陣就有位；

本來想叫碟豬扒飯，

點知亞姐話要點雙拼飯喎!

所以叫咗碟豉油豬扒雞翼飯和豉油豬扒雞球飯喇!

拿，

肚餓或者得一個鐘頭食飯嘅朋友千祈唔好去，

因為等待嘅時間真係幾長，

尤其係瑞士雞翼，

因為佢係即叫即做，

起碼要等20分鐘先有得食呀!

大大塊厚豬扒又腍又軟，

瑞士雞翼汁濃香滑，

1碟雙併飯+杯餐飲，

都係$44，

都算抵啦!

我哋兩個人好努力係咁食都食唔哂D雞球和豬扒，

食得唔好嘥，

袋番屋企今晚用嚟做餸。

大家可以入嚟Facebook讚下我新開嘅Fans專頁呀!

雀后(添飯)Facebook Fan Page