2018日本九州福岡之旅~第五日

3月8日(星期四)

今日天氣認真麻麻，

間中仲橫風橫雨添呀!

食過酒店早餐次後，

我哋又要出發喇!

今日目的地係糸島!

靠哥哥(google地圖)搵到天神三丁目巴士站，

用sunq pass坐呢架Showa巴士，

唔使一個鐘頭就到糸島啦!

 記得係加布里東口落車，

落車就會見到間7-11，

經過呢間肉店慢慢行入去，

行到分叉口就見到指示牌，

再行入D就見到架呢幾間牡蠣小屋架喇!

。

  

唔好講笑，

呢餐真係好鬼正架!

所有海鮮都好新鮮，

尤其D蠔好肥美，

帶子超大隻呀!

不過燒蠔時就要好小心，

因為D蠔汁隨時會爆出嚟，

所以我哋懷疑大家要著外套，

係咪防止整污穢D衫呢???

提提大家，

一定要先睇清楚回程巴士嘅時間呀!

唔係就好似我哋咁傻，

落雨濕濕要走入7-11裡面避雨啦!

番到市區，

大家都有興趣行激安殿堂，

緊係啦D嘢咁平，

點可以放過架!

行完買完又肚餓喇!

記得上年去東京，

牛角係用炭爐燒烤，

但嚟到福岡呢間牛角，

就係用普通爐喇!

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page